Кыргыз өлкөсүнө Түркиянын президенти Режеп Тайип Эрдогандын келиши күтүлүп жаткандыгына байланыштуу айрым жолдор убактылуу жабылат

Бүгүн, 1-сентябрда Бишкекке расмий иш сапары менен Түркиянын президенти Режеп Тайип Эрдогандын келиши күтүлүп жаткандыгына байланыштуу айрым жолдор убактылуу жабылат. Бул тууралуу Бишкек шаардык Жол кыймылынын коопсуздугун көзөмөлдөө башкы башкармалыгынын маалымат кызматы билдирди.

Маалыматка ылайык, "Манас" аэропортунан баштап Бишкектин четине чейинки унаа жолу убактылуу жабылат. Ошондой эле Жибек-Жолу кең көчөсүнүн Фучик көчөсүнөн Манас кең көчөсүнө чейинки аралыгы; Манас кең көчөсүнүн Жибек-Жолу көчөсүнөн мамлекеттик резиденцияга чейинки аралыгы; Чүй кең көчөсүнүн Манас кең көчөсүнөн баштап Абдрахманов көчөсүнө чейинки аралыгы убактылуу жабылат.

Буга байланыштуу башкармалык айдоочуларды жолдор тууралуу маалыматты алдын ала билип алууга чакырат.