Ырыскелди Осмонкуловдун көчмөндөр оюндарынын ачылышында кийген кийими сынга кабылды

III Дүйнөлүк көчмөндөр оюндарынын ачылышындагы айрым көрүнүштөр интернет колдонуучулары арасында ар кандай талкууга жем таштады.

Алгач Кыргыз делегациясынын арасындагы кыздын калпак кийип алгандыгы көрүүчүлөр арасында суроо жаратса, кийин Кыргыз Республикасынын Эмгек сиңирген артисти Ырыскелди Осмонкуловдун сахнага кийип чыккан кийими сынга кабылды.

Театрлаштырылган салтанаттуу ачылыш аземдин жүрүшүндө Кыргыз эстрада жылдыздары Көчмөндөр гимнин аткарышкан. Анда сахнага улуттук кийимдерди кийип чыккан ырчылардын арасында Осмонкуловдун футболка менен этеги узун жемпир кийип алганы элдин нааразычылыгын жаратты. Мындан улам көптөгөн интернет колдонуучулары "ушундай маанилүү иш-чарада жоопкерчиликти сезип, улуттук кийим менен чыкса болмок", - деген пикирлерин айтышууда.