Көчмөндөр оюндары: Бүгүн спорттун алыш жана армрестлинг түрлөрү боюнча мелдештер өтөт

Бүгүн, 3-сентябрда III Дүйнөлүк көчмөндөр оюндарынын 2-мелдеш күнүндө медалдардын 18 топтому ойнотулат.

Оюндардын расмий сайты кабарлагандай, спорттук мелдештер алыш жана армрестлинг боюнча өтөт.

Айта кетсек, бүгүн көк бөрү боюнча Кыргыз курама командасы Монголиядан келген атаандаштарын 29:5 эсебинде утуп алышкан.

Күндүн программасы:

Алыш - Чолпон-Ата шаарындагы дене тарбия жана ден соолукту чыңдоо борбору (ФОК);

Армрестлинг - Чолпон-Ата шаарындагы дене тарбия жана ден соолукту чыңдоо борбору (ФОК);

Тогуз коргоол - "Евразия" борбору;

Мангала - "Евразия" борбору;

Овари - "Евразия" борбору;

Ордо - Кырчын жайлоосу.