Көк бөрү: Өзбекстандын командасы Башкортостан курама командасын ири эсепте утуп алды

III Дүйнөлүк көчмөндөр оюндарынын алкагында өтүп жаткан көк бөрү боюнча мелдештердин тайпалык баскычында Өзбекстан курама командасы өзүнүн алгачкы оюнун жеңиш менен жыйынтыктады.

Тайпалык баскычтын биринчи турунда орун алган Өзбекстан-Башкортостан беттешинде өзбекстандык көк бөрүчүлөр атаандашынын тай казанына 20 улак таштап, ири эсепте жеңишке жетти. Ал эми башкортостандык спортчулар 1 гана улак менен жооп кайтара алышты. Оюн 20:1 эсебинде жыйынтыкталды.

Эмки оюнда Өзбек командасы Франция курама командасы менен кез келет.

Айта кетсек, буга чейинки оюнда Орусиянын Москва облусунан келген курама команда Ооганстандан келген команданы жеңип, жарым финалга чыккан.