Супер-Инфо
super.kg видео
ЭЛДИК КАБАР: "Москвада кыргыз жигити улгайган аялды өрттөн куткарып калды" дейт окурман
Кыргыз жигити Москвада күйүп жаткан батирден улгайган аялды куткарып калды. Бул тууралуу окурман "Элдик кабарга" билдирди.
Анын айтымында, окуя кечээ, 4-сентябрда болгон. Москва шаарындагы "Тверская" метросундагы көп кабаттуу үйдөгү батирдин биринен жергиликтүү убакыт боюнча саат 20:00дөр чамасында өрт чыккан.
"Биз ошол метродо гүл эгип иштейбиз. Өрт өчүрүүчүлөр келгенге чейин батирдин ичинде калган адам күйүп кетиши мүмкүн эле. Бирок мекендешибиз Азамат Мамажакыпов эрдик кылып, батирге кирип улгайган аялды алып чыкты", - деген окурман.
Андан кийин бул маалыматты "Элдик кабарга" башка да окурмандар билдирди. Нурмат Топчубай уулу аттуу жигит да батирдеги өрттү өчүрүүгө жардамдашканын, Азаматтын орус жаранын өрттөн куткарып чыкканына күбө болгонун белгилеген.
Урматтуу окурман, эгер сиз да ушул сыяктуу турмуштагы өзгөчө көрүнүшкө, коомдогу маданий, спорттук иш-чарага, жаратылыш кубулуштарына, жол кырсыгына, акция же митингдерге күбө болсоңуз, тезинен сүрөткө, видеого тартып, дүйнө жүзү менен бөлүшүңүз. Интернет ааламы, тагыраак айтканда, SUPER.KG жаңылыгыңызды заматта өлкөбүзгө, Жер жүзүндөгү мекендештерге жеткирет. Алар көрүп, окуп, сиздин кабарыңызга үн кошушат.
Сиз жаңылыкты кыскача баяндап Telegram же WhatsApp аркылуу +996 779 47-39-39 номерине жибериңиз. Ушул эле кызмат (приложение) аркылуу кабардын аудиосун, видеосун, сүрөтүн да жөнөтсөӊүз болот. Кабар саналуу мүнөттөрдүн ичинде порталыбыздын "Соңку кабар" бөлүмүнө чыгат.
Кыргыз жигити Орусияда улгайган аялды өрттөн куткарды (сөгүнгөн сөздөр бар)
11
1 |