Австралияда "Тез жардам" кызматы бейтаптын өлүм алдындагы өзгөчө каалоосун орундатты

Австралияда "Тез жардам" кызматы бейтаптын өлүм алдындагы өзгөчө каалоосун орундатты. Бул тууралуу чет элдик маалымат каражаттары жазып чыгышты.

Маалым болгондой, Австралиянын Квинслед штатында "Тез жардам" кызматынын дарыгерлери 72 жаштагы Рон Маккартни аттуу бейтаптын өлүм алдындагы суранычын ишке ашырышкан. Маккартни көп жылдан бери рак оорусу менен жабыр тартып келген. Акыркы жолу үй-бүлөсү "Тез жардам" кызматын чакырган учурда анын абалы оорлошуп кеткен.

Ооруканага бара жаткан учурда Маккартнинин жубайы, жолдошу акыркы 2 күндөн бери эч нерсе жеген эместигин айткан. Анда дарыгерлер бейтаптан эмне жегиси келип жатканын сурашкан. Анда Рон мөмө-жемиш кошулган карамель балмуздагын жегиси келип жаткандыгын билдирген. Дарыгерлер бейтаптын акыркы суранычын аткарып, балмуздак алып келип беришкен.

Тилекке каршы, Рон Маккартни ооруканага жеткенден кийин көп убакыт өтпөй көз жумган.