Баткен шаарында пара алып жаткан жеринен мектеп директору кармалды

Баткен облусунда “пара алган” деп шектелип мектептин директору кармалганын бүгүн, 2-июлда ИИМдин басма сөз кызматы билдирди. Айтылгандай, Баткен шаарынын тургуну мектеп директору 2 балага аттестат бербей, 3 миң сом талап кылып жаткандыгы тууралу арыз менен милиция кызматкерлерине кайрылган. Иликтөө иштеринин натыйжасында аттестат тапшырууда 2 окуучуга аттестаттын сырты гана берилгендиги белгилүү болгон. Бул факт менен “пара алуу” беренеси боюнча кылмыш иши козголгон. Ал эми директор 3 миң сом өлчөмүндөгү пара алып жаткан жеринен кармалган. Учурда ал туугандарынын кепилдиги менен коё берилгени белгилүү болду.