ӨКМнын Нарындагы куткаруучулары сууга агып кеткен автоунааны алып чыгышты

2-июль күнү Нарындын Кочкор районунда 1993-жылы туулган Амангул уулу Чыңгыз унаасын Чу дарыясынын жээгинде жуумакчы болгон. Бир тарабы суунун ичинде турган Нива унаасы күтүүсүздөн 100-150 метр жерге агып кеткен. Кочкор райондук куткаруу кызматынын өкүлдөрү барып, унааны чыгарып беришти. Каза болгондор жана жабыркагандар жок. Ушул эле күнү саат 19:20 чамасында Бишкек-Нарын-Торугарт унаа жолунда Ауди 80 жана Ауди 100 унаалары катышкан жол кырсыгы болду. Маалыматтар боюнча, каза болгондор жок.