"Датка-Кемин" электр өткөрүүчү чубалгысынын курулушу 2015-жылдын август айында бүтөт

"Кыргызстандын улуттук электр станциялары" ишканасынын башкы директору Медетбек Айткулов: "500 кВ кубаттуулуктагы "Датка-Кемин" электр өткөрүүчү чубалгысынын курулушу 2015-жылдын август айында бүтөт. Учурда даярдык иштери жүрүп жатат, июль айынан баштап алгачкы иштер башталат",- деп билдирди 2-июлда. Айта кетсек, жогорку чыңалуудагы бул чубалгы Жалал-Абаддагы 500 кВт кубаттуулуктагы "Датка" көмөк чордону менен Чүй аймагындагы "Кемин" көмөк чордонун байланыштырат. Чубалгы Камбар-Ата-1, 2 ГЭСтери аркылуу өтүп, узундугу 410 чакырымды түзөт.