Турсунбек Акун: "Акыйкатчылык кызматка талапкерлерди тандоо сынагы соттук териштирүүлөрдөн соң гана жарыяланышы керек"

"Акыйкатчылык кызматка талапкерлерди тандоо сынагы соттук териштирүүлөрдөн соң гана жарыяланышы керек". Бул тууралуу мурунку акыйкатчы Турсунбек Акун билдиргенин Акыйкатчы институтунун басма сөз кызматы жарыялады. “1-июлда депутат Абдыжапар Бекматовдун акыйкатчы кызматына жакын арада сынак жарыялана тургандыгы жөнүндө берген маалыматы шашылыш түрдө айтылган”,- деп жазылган билдирүүдө. Ошондой эле Турсунбек Акун аны кызматынан мөөнөтүнөн мурда бошотуу боюнча депутаттык комиссия чыгарган чечими боюнча сотко кайрылган. “Соттун чечиминен соң гана сынак жарыяланышы керек”,- дейт Акун.