"Кытай менен биргеликте Сары-Жаз дарыясына бир нече ГЭС курабыз"- деди президент

Президент Алмазбек Атамбаев бүгүн, 3-июлда Базар-Коргон районундагы "Датка" көмөкчордонун ишке киргизүү аземине катышты. Бул долбоордун ишке ашып жатканы Кыргызстан үчүн маанилүү экенин белгилген өлкө башчы буларга токтолду. "Орусия менен биргеликте Жогорку Нарын ГЭСтер каскадын куруп баштадык. Кийинки кадамыбыз - Камбар Ата-1 ГЭСин куруу. Буюрса, Кытай менен бирге Сары-Жазда бир нече ГЭСтерди курабыз”. Өлкө башчы Кыргызстан учурда зор өзгөрүүлөрдүн босогосунда турганын жана жакынкы жылдары мамлекет өнүгүү жолуна түшө турганын айтты. “Келечекте урпактарыбыз аракетибизди баалап, Кыргызстанды көздүн карегиндей сактайт, өлкөбүздүн келечеги кең болот деп терең ишенем!”- деди ал.