"Биздин тандоо - жолдогу коопсуздук!" "Жол коопсуздугу" коомдук бирикмеси жарандарга кайрылат

"Жол коопсуздугу" коомдук бирикмеси тургундарды жол эрежелерин сактоого жана жолдо жүргөндө кылдат болууга чакырат. Бирикменин билдирүүсүнө ылайык, Кыргыз өлкөсүндөгү бардык жарандарга бул чакырыкты жеткирүү максатында 2 видеоролик даярдалган.

Жарандарды жол коопсуздугун сактоого үндөгөн ролик "Биздин тандоо - жолдогу коопсуздук!" деген аталышта Европадагы коопсуздук жана кызматташтык уюмунун колдоосу менен тартылган.

"Жол кырсыктары - учурдун эң кайгылуу жана курч көйгөйү болгондуктан бул чакырык калктын калың катмарына жетип, таасир берсе деген тилектебиз. Биздин өнөктөштөр - Жол кыймылынын коопсуздугун камсыздоо башкы башкармалыгы, Медиа-лаб жана ага тартылган актёрлор коомдук көйгөйдү токтотууга арналган роликке өз салымдарын кошту", - дешти бирикмеден.