Маркум комузчу Руслан Жумабаевге сыйлык берүү маселеси каралууда

Маркум комузчу Руслан Жумабаевге сыйлык берүү маселеси каралууда. Бул тууралуу Маданият, маалымат жана туризм министрлигинин басма сөз кызматы билдирди.

Белгилүү болгондой, министрлик тарабынан сыйлык берүү маселеси комузчунун көзү тирүү кезинде эле карала баштаган, бирок кандайдыр бир себептерден улам сыйлык берилген эмес.

"Белгилүү комузчу Руслан Жумабаевдин көзү өткөнүнө карабастан сыйлык тапшыруу маселеси быйыл дагы көтөрүлөт", - деп билдирди басма сөз катчы.

Айта кетсек, комузчу Руслан Жумабаев 10-сентябрда узакка созулган оорудан улам көз жумган. Ал Кыргыз улуттук консерваториясында "Ордо сахна" тобунда иштеген. 2016-жылы Экинчи дүйнөлүк көчмөндөр оюндарынын ачылышында Атай Огонбаевдин "Маш ботой" күүсүн 1000 комузчу менен аткарган.

Маркумдун сөөгү бүгүн, 12-сентябрда Нарын шаарында жерге берилди.