Чолпон-Атада ШКУга мүчө мамлекеттердин Тышкы иштер министрлеринин кезектеги жыйыны өтөт

13-июль күнү Чолпон-Ата шаарында тышкы иштер министри Эрлан Абдылдаевдин төрагалыгы астында ШКУга мүчө мамлекеттеринин тышкы иштер министрлеринин кезектеги жыйынын өткөрүү пландалууда. Жыйын ушул жылдын 13-сентябрында Бишкекте ШКУга мүчө мамлекеттердин Башчылар кеңешинин 13-жыйынын өткөрүүгө даярдык көрүү максатында өтөт. Жыйындын жүрүшүндө ШКУ менен кызматташуунун алкагында ар тараптуу пландарды ишке ашыруу жана мындан ары да терең иштешүү маселелери каралат. Жыйынга ШКУнун башкы катчысы катышмакчы.