Бүгүн Акжол Махмудов күрөш боюнча жаштар арасындагы Дүйнө чемпиондугунда өзүнүн алгачкы беттешин өткөрөт

Бүгүн, 17-сентябрда Словакиянын Транава шаарында күрөш боюнча жаштар арасындагы Дүйнө чемпиондугу старт алат. Бул тууралуу Күрөш федерациясы билдирди.

Маалыматка ылайык, анда 5 медалдар топтому ойнотулат. Чемпиондуктун 1-мелдеш күнүндө 4 кыргыз балбаны килем үстүнө чыгат. Беттештер Бишкек убактысы боюнча саат 14:30да башталат. Ал эми жарым финалдык беттештер саат 22:00дө башталса, коло медаль үчүн жана финалдык беттештер 18-сентябрда өтөт.

17-сентябрда килем үстүнө чыга турган спортчулар:

55 килограммга чейинки салмак ченинде:

Нуртазин Керимберди уулу (Кыргыз өлкөсү) - Туорки Али Хазоази (Сауд Арабиясы);

63 килограммга чейинки салмак ченинде:

Алстон Жон Нуттер (АКШ) - Эрбол Бакиров (Кыргыз өлкөсү);

77 килограммга чейинки салмак ченинде:

Акжол Махмудов (Кыргыз өлкөсү) - Шаян Хоссейн Афифи (Иран)

87 килограммга чейинки салмак ченинде:

Амангелди Талантбек уулу (Кыргыз өлкөсү) - Игорь Ярошевич (Беларусь).