Лионель Месси: "Мен эч качан өзүм ойногон беттештерди кайталап көргөн эмесмин"

"Мага футбол көрүү жагат" деп билдирди "Барселона" клубунун чабуулчусу Лионель Месси чет элдик телеканалдардын бирине берген маегинде.

Ал даярдыктарында эмнеге көп көңүл буруп жатканын да айтып өткөн.

"Мен эч качан өзүм ойногон беттештерди кайталап көргөн эмесмин. Бул мага жакпайт. Бирок башка бардык футболдук беттештерди кызыгуу менен көрөм. Испания, Аргентина чемпионаттарына жана Либертадорес Кубогуна да кызыгып, байкоо жүргүзөм.

Мен айып тобун тебүүнү эффективдештирүүнүн үстүндө иштеп жатам. Ага даярдануу негизи оор. 11 метрлик айып тобун ишке ашырууда дарбазачы кайсы тарапка сокку урарыңды байкап калса, анда аракетиң ишке ашпай калат. Ошондуктан мыкты тебүү керек", - деген Месси.

Лионель Месси учурда испаниялык "Барселона" клубунда жана Аргентина курама командасында ойноп келет.