Орусияда полиция кызматкерлерин сабаган Кыргыз жарандарынын аты-жөнү аныкталды

Орусиянын Малоярославец шаарында документин сураган инспекторду сабаган Кыргыз жарандарынын аты-жөнү такталды. Бул тууралуу Кыргыз өлкөсүнүн Орусиядагы элчилигинин басма сөз кызматынан кабарлады.

"Укук коргоо органынын кызматкерине кол көтөргөндөр 1997-жылы туулган Д.Б. жана 1996-жылы туулган М.уу.Б. аттуу Кыргыз жарандары экени аныкталган. Учурда кармалгандарга карата кылмыш иши козголуп, тергөө иштери жүргүзүлүүдө", - дейт маалымат катчы.

Буга чейин Малоярославец шаарында 2 Кыргыз жараны инспекторлор тарабынан токтотулган. Инспектор документтерин сураган кезде айдоочу аларды үйүндө унутуп калганын айткан. Анда инспектор аларды үйүнө чейин узатып, документтерди ошол жерден текшерүүнү чечкен. Бирок көп кабаттуу үйдүн подъездине киргенде кармалган 2 жаран инспекторду сабап, колунан тиштеп алганы кабарланган.