Айнаш Токбаева Жогорку Соттун төрайымы кызматынан кеткенден кийин эмне кыларын айтты

Жогорку Соттун төрайымы Айнаш Токбаеванын кызмат мөөнөтү аягына чыгып жатат. Буга байланыштуу ал SUPER.KG порталына кызматтан кеткен соң эмне менен алек болорун айтып берди.

Токбаева Жогорку Соттун төрайымын жана анын 3 орун басарын шайлоо маселеси 22-сентябрда караларын белгиледи.

"Төрага жана анын орун басарларынын 3 жылдык мөөнөтү бүтүп жатат. Буга байланыштуу 22-сентябрда жалпы соттордун жыйыны өтөт. Анда Жогорку Соттун жаңы курамы шайланат. Судьялардын арасынан талапкерлер сунушталат. Андан кийин добуш берилет. Мен Жогорку Кеңеш тарабынан 2013-жылы Жогорку Соттун судьясы болуп шайлангам. Бул кызматта 70 жашка чыкканга чейин отура алам. Демек, Жогорку Соттун төрайымы кызматынан түшкөндөн кийин судья катары эмгектене берем", - деди ал.

Айнаш Токбаева 21-декабрда 58 жашка толот.