Жогорку Кеңештин депутатына таандык делген жол тандабастын айдоочусу журналистке кол салды

Жогорку Кеңештин депутатына таандык делген жол тандабастын айдоочусу журналистке кол салды. Мындай видеону жергиликтүү маалымат каражаттарынын биринин кызматкери тартып алып, интернет айдыңына тарады.

Бишкек шаардык Жол кыймылынын коопсуздугун камсыздоо башкармалыгынын маалыматына ылайык, Lexus 570 үлгүсүндөгү унаа айнектери караңгылатылганы үчүн инспекторлор тарабынан токтотулган. Бул учурду журналист видеого тартып жаткандыгы айдоочуга жакпай, ортодо пикир келишпестик жаралган. Айдоочу журналисттин телефонун тартып алып, инспекторлор кайтарып алып беришкен. Журналист иштеген маалымат каражаты жол тандабас менен Жогорку Кеңештин депутаты Тазабек Икрамов жүрөрүн жазган.

"Унаа учурда айып аянтчасына токтотулуп, айдоочуга 2 миң 500 сом өлчөмүндөгү айып пул салынды. Машина кимдин атына катталгандыгы боюнча маалымат жок", - дешти Жол кыймылынын коопсуздугун камсыздоо башкармалыгынан.