Кыргыз кикбоксчулары Дүйнө чемпиондугунда 5 медаль утуп алышты

Кыргыз спортчулары кикбокс боюнча жаштар арасындагы Дүйнө чемпиондугунда 5 медаль утуп алышты. Бул тууралуу SUPER.KG порталына Кыргыз Республикасынын кикбокс федерациясы билдирди.

Аталган мелдеш Италиянын Венеция шаарында өтүп, анда 64 өлкөдөн 2 миңден ашуун спортчу катышты. Кыргыз өлкөсүнөн бул мелдеште 9 спортчу катышкан. Алардын ичинен 6 кикбоксчу байгелүү орундарга илинди.

Мелдештин жыйынтыгында 63 килограммга чейинки салмак ченинде кыргыз мушкери Чыңгызхан Алмазбек уулу финалга чыгып, тилекке каршы, жеңилип калды. Натыйжада ал 2-орунду ээлеп күмүш медалдын ээси болду.

Андан тышкары жарым финалда жеңилүү ызасын тартып калган Азиз Бийхуров, Арлет Бакытбек уулу, Мирбек Касымов, Рустам Эшмаматов коло медалдарды тагынышты.