АКШ бийлиги грин-карт алуу боюнча шарттарды татаалдаштырууну пландоодо

АКШнын бийлиги грин-карт алуу боюнча шарттарды татаалдаштырууну пландоодо. Бул тууралуу чет элдик маалымат каражаттары жазып чыгышты.

Маалыматка ылайык, АКШнын Ички коопсуздук министрлиги 447 барактан турган документ даярдаган. Анда грин-карт алууну каалаган чет элдик жарандардын социалдык Medicaid кызматын колдонуп, талондор аркылуу тамактанганы жана социалдык турак жайда жашаганы аныкталса, грин-картты алуу кыйынга туруп калат.

Бул социалдык колдоолорду алып жүргөн айрым адамдар грин-картты алуу үчүн 10 миң долларга чейин күрөө төлөшү мүмкүн. Ал эми укук коргоочулардын айтымында, аталган демилге кирешеси аз болгон чет элден келген үй-бүлөлөрдү аталган аймакта туруктуу жашоого мүмкүнчүлүк алуу же социалдык колдоолорду алуу деген тандоонун алдында туруп каларын айтып чыгышкан. Ошондой эле бул долбоор балдардын медициналык жардам алуусуна жана тамактануусуна жолтоо боло турганын билдиришкен.

Бийлик өкүлдөрүнүн билдиргенине ылайык, демилге ишке ашса жылына 382 миң адам социалдык колдооодон баш тартып калуусу мүмкүн. Бул кадамдар АКШнын аймагына өзүн жана үй-бүлөсүн камсыздай ала турган адамдардын келүүсүнө шарт түзүп, АКШнын социалдык камсыздоо системин ашыкча чыгым кылбайт.

Аталган токтом парламент тарабынан расмий кабыл алынбайт. Бирок коомдук талкууга коюлат.