Өкмөттүк аппараттын Билим берүү, маданият жана спорт бөлүмүнүн башчысы алмашты

Өкмөттүк аппараттын Билим берүү, маданият жана спорт бөлүмүнүн башчысы алмашты. Өкмөттүк аппараттын басма сөз кызматы SUPER.KG порталына билдиргендей, Билим берүү, маданият жана спорт бөлүмүнүн башчысы Алмаз Бейшеналиев 24-сентябрда өз каалоосу менен кызматынан кетип, ордуна Бекжан Супаналиев дайындалган.

Алмаз Бейшеналиев бул кызматты 2017-жылдын ноябрь айынан бери аркалап келген.

Супаналиев Бекжан Төрөбаевич 1977-жылдын 11-июлунда Чүй облусунун Токмок шаарында төрөлгөн. 2000-жылы Бишкек гуманитардык университетинин Башкаруу жана социология факультетин аяктаган.

2000-жылы Бишкек шаарына караштуу "Жаштык" республикалык жаштар борборунун директорунун орун басары;

2001-2004-жылдары президенттик администрацияда референт;

2004-2010-жылдары Кыргыз Республикасындагы коомчулукту өнүктүрүү жана инвестициялоо (АРИС) агенттигинин өкүлү;

2011-2012-жылдары президенттик аппараттын аймактык өнүктүрүү жана мониторинг бөлүм башчысынын орун басары;

2012-2014-жылдары өкмөттүк аппараттын уюштуруу-инспектордук иштер жана жергиликтүү өзүн-өзү башкаруу бөлүмүнө караштуу жергиликтүү өзүн-өзү башкаруу секторунун эксперти;

2014-2015-жылдары өкмөттүк аппараттын аймактык өнүктүрүү, транспорт, курулуш жана коммуникациялар бөлүмүнүн эксперти;

2015-2016-жылдары өкмөттүк аппараттын уюштуруу-инспектордук иштер жана жергиликтүү өзүн-өзү башкаруу бөлүмүнүн инспектору;

2016-2017 жылдары өкмөттүк аппараттын билим берүү, маданият жана спорт бөлүмүнүн башчысы.