Өкмөт: "Кыргыз өлкөсүнө электромобил заводун куруу боюнча Кытай менен сүйлөшүү жүрүп жатат"

"Силер көйгөйдүн алдын албай эле кесепети менен күрөшүп жатасыңар" деп депутат Тынчтыкбек Шайназаров өкмөттүн Айлана-чөйрөнү жана токой чарбасын коргоо боюнча мамлекеттик агенттиктин өкүлүнө кайрылды.

Эл өкүлү Бишкекте сапатсыз унаалардын таасиринен аба булганып жатканын айтты. "Бул багытта так кандай чаралар көрүлүп жатат? Унаанын техникалык текшерүү талабын алып салып туура эмес кылдык. Бишкектин булганган абасынын 90 пайызына унаалар күнөөлүү деп отурабыз", - деди Шайназаров.

Өкмөттүн өкүлү абаны тазартуу боюнча аракеттер жүрүп жатканын айтып, унаалардын сапатын жакшыртуу боюнча чаралар көрүлүп жатканын билдирди. "Президентибиз Кытайга болгон сапарында сүйлөшүп келди. Алар менен электромобил заводун куруу боюнча талкуулап жатабыз. Келерки жылы аягына чыгабыз", - деди ал.