Акыйкатчылыкка талапкер Канатбек Азиз: "Мен мигрант болгом. Акыйкатсыздыкка кабылгам"

Жогорку Кеңештин жыйынында Акыйкатчылыкка талапкерлер өз платформасы менен тааныштырышты. Эң акыркы болуп сөзгө чыккан талапкер Канатбек Азиз платформасында айтылган жумуштарды аткарууга колдон келген аракетин жумшай турганын айтты.

“Акыйкатчы институту 2000-жылы парламент тарабынан түзүлгөн. Бирок дагы деле ал өз милдеттерин толук аткара албай келет. Менин акыйкатчы болуу ниетим бекеринен чыккан эмес. Мен да мигрант болгом. Акыйкатсыздыкка кабылгам. Адам укугун коргоо мамлекеттик бийликтин бардык бутагынын милдети деп эсептейм. Биринчилерден болуп Орусиянын кара тизмесинен жарандарды чыгаруу маселесин коём. Кудайдын алдында жана сиздердин алдыңарда жоопкерчилик алууга даярмын”, - деди ал.

Учурда депутаттар талапкерлерге суроолорду берип жатышат.