Кыргыз балбандар эркин күрөш боюнча ардагерлер арасындагы Дүйнө чемпиондугуна катышат. Алардын катарында Мелис Турганбаев бар

Кыргыз балбандар Македонияда өтө турган эркин күрөш боюнча ардагерлер арасындагы Дүйнө чемпиондугуна катышат. Бул тууралуу SUPER.KG порталына Кыргыз Республикасынын күрөш федерациясы билдирди.

Скопье шаарында 28-30-сентябрда өтө турган мелдеште 3 жаш категорияда беттештер өтүп, анда Кыргыз өлкөсүнөн 4 балбан катышат. Кыргыз балбандарынын катарында Дүйнөнүн 2 жолку чемпиону Чынарбек Изабеков жана Дүйнө чемпиондугунун коло медалынын ээси Мелис Турганбаев бар.

Эске салсак, 2017-жылы өткөн эркин күрөш боюнча ардагерлер арасындагы Дүйнө чемпиондугунда 7 кыргыз балбан катышкан. Алар 2 күмүш жана 1 коло медаль тагынып келген. Чынарбек Изабеков менен Нурдин Донбаев күмүш медалдарга татыса, коло медалды Апты Инакеев утуп алган.

Кыргыз курама командасынын тизмеси:

• 50 жашка чейинки категория:
  • 70 килограммга чейинки салмак ченинде: Кубан Эркимбеков;
  • 100 килограммга чейинки салмак ченинде: Чынарбек Изабеков.
• 55 жашка чейинки категория:
  • 70 килограммга чейинки салмак ченинде: Талант Бегалиев.
• 60 жашка чейинки категория:
  • 78 килограммга чейинки салмак ченинде: Мелис Турганбаев.
• Машыктыруучу: Сүймөнкул Табалды уулу.