Ысык-Көл. Ысык-Көлдү Өнүктүрүү фонду облустук ооруканага 3 миллион 500 миң сом бөлдү

Ысык-Көлдү Өнүктүрүү фонду облустук оорукананын балдардын жугуштуу оорулар бөлүмүнүн жана ашканасынын оңдоп-түзөө иштерине 3 миллион 500 миң сом бөлдү. Бул тууралуу өкмөттүн облустагы өкүлчүлүгүнүн басма сөз кызматы билдирди. 2012-жылы бул тармактын материалдык-техникалык базасын чыңдоого 50 миллион сом бөлүнгөн. Кошумчалай кетсек, учурда облуста саламаттыкты сактоо тутумунда жалпы 3 408 медицина кызматкери эмгектенет.