Баткен. Кызыл-Жолдо белгисиз айдоочу автоунаасы менен аскерди сүзүп, окуя болгон жерден качып кетти

2012-жылдын 19-ноябрь күнү саат 19:00 чамасында  Баткен шаарынын Кызыл-Жол кварталынын Жусубалиев көчөсүндө КРнын Коргоо министрлигине караштуу №30630 аскер бөлүгүнүн кенже сержанты, 1980-жылы туулган Кожоев Ибрагимди белгисиз айдоочу автоунаасы менен койдуруп кетип, окуя болгон жерден качып кеткен. Бул тууралуу Баткен облустук ИИБинин маалымат катчысы Дамира Юсупова билдирди. Жабырлануучу аталган кварталдын Сарай-Башы участкасынын тургуну. Учурда айдоочуну издөө иштери жүрүп жатат.