Супер-Инфо
super.kg видео
Колу чирип каза болгон ысык-көлдүк 8 жашар кыздын өлүмү боюнча кылмыш иши козголду
Колу чирип каза болгон 8 жашар кыздын өлүмү боюнча кылмыш иши козголду. Бул тууралуу бүгүн, 29-сентябрда SUPER.KG порталына Ысык-Көл ОИИБинин басма сөз катчысы Сталбек Усубакунов кабарлады.
"Бул факт боюнча кылмыш иши козголду. Учурда тиешелүү иш-аракеттер кызуу жүрүүдө. Соттук-медициналык экспертизанын жыйынтыгына ылайык укуктук баа берилет", - деп билдиришти облустук милициядан.
Айта кетсек, Саламаттыкты сактоо министрлиги Бишкектеги Улуттук эне жана баланы коргоо борборуна 8 жашар кыз оор абалда келип түшкөнүн билдирген. Ал маалда кыздын колу чирий баштаган. Дарыгерлер дароо операция жасап, кыздын колун кесишкен. Кыздын абалы турукташканы менен, 10-сентябрь күнү таңга маал көз жумган. Чолпон-Атадагы бириктирилген ооруканасынын дарыгерлеринин ишине баа берүү үчүн комиссия түзүлгөн. Дарыгер "Биринчи жардамды көрсөткөндө ишимди так аткаргам, бирок кысып салган деп күнөөлөп жатышат" деп билдирген эле.
0
Биринчи иретте ата-энесин сурасын.
Биринчи жардамын көрсөтүп ,колуна гипс салып берген врачты кыйнагандын кереги жок. Энеси кайра келүүдөн баш тартса, байкуш хирург эскертүү алып жүрөт .
Врачтарга басым жасай берсе, бир күнү келип кетип калышат. Анан дагы көп болот мындай окуялар. Азыр канча врачтар кетип калышты. Айлык 5000 сом. Базардагы соодалашуу медицинага терең кирген. Башаламан .
Ошол себептен аябай терең изилдеп, анан чечим чыгаруу