Мушкер Конор Макгрегор анонимдүү түрдө 10 миң еврону кайрымдуулукка берди

Ирландиялык мушкер Конор Макгрегор сепсис (кандын бузулушу) оорусуна чалдыккан 5 жаштагы Брайан аттуу балага 10 миң евро акчалай жардам көрсөттү. Бул тууралуу чет элдик басылмалар жазып чыкты.

Маалыматка ылайык, мушкер кайрымдуулукту анонимдүү түрдө атайын программа аркылуу жасаган. Бирок Брайандын апасы Грэнни Маккалоу жардам үчүн бир эле адамдан акча которулганын, аны ким которгонун билгиси келген. Ал үчүн тиешелүү жактарга кайрылганда акчаны мушкер Конор Макгрегор которгону белгилүү болгон.

Маккалоу өзүнүн Твиттердеги баракчасына: "Конор, биз сага өмүр бою ыраазыбыз. Мен сенин балама кылган жакшылыгыңды эч качан унутпайм. Сен чыныгы легендасың", - деген билдирүүсүн калтырган. Бирок Макгрегор өзүнүн кайрымдуулук иши тууралуу эч кандай билдирүү жасаган эмес.