Мамлекеттин менчигинде турган "Ак кеме" мейманканасы сатылышы мүмкүн

КСДП фракциясынан депутат Мурадыл Мадеминов "Ак кеме" мейманканасын иштете албаган соң сатуу керектигин айтты. Бул жөнүндө ал бүгүн, 1-октябрда Жогорку Кеңештин Бюджет жана финансы комитетинин жыйынында айтты.

"Мамлекеттик мүлктү башкаруу боюнча фонд силер "Ак кеме" мейманканасын эмнеге кармап отурасыңар, ичине кирип карагыла, дубалдары көчө баштады. Баары бир иштете албагандан кийин эмнеге мейманкананы сатпайсыңар?!" - деди Мадеминов.

Мамлекеттик мүлктү башкаруу боюнча фондунун төрагасы Ренат Түлебердиев депутатка жооп кылып, бүгүнкү күндө 76 объект бизнеске сунуштоого даярдалып жатканын, анын ичинде "Ак кеме" мейманканасы да бар экенин айтты.