Астротөлгө: 2-октябрда төрөлгөн адамдар оратор болушабы?

2-октябрда төрөлгөн адамдар таланттуу, сүйкүмдүү болушат. Табиятынан келечекке ишенимдүү максат коюп жашагандыктан, жашоонун оң тарабын да, сол тарабын да байкап, баарын анализдеп турушат. Булар эң мыкты оратор, ошол эле учурда сүйлөгөнгө жараша укканды да жакшы билишет. Ар бир адамдын оюн угуп, аягында өзү туура чечим чыгарууга тырышат.

Бул күнү жарыкка келген адамдар жеке мамилеге абдан олуттуу карашат. Алар мамиле түзүүдөн мурун биринчи анын оң жана терс сапаттарын байкап, жакшылап анализдеп анан өнөктөш болууга бел байлайт.

2 санынын алдында төрөлгөндөр мамилечил, достукка бекем, сылык, ошондой эле акылы курч адам катары мүнөздөлөт. Ошондой эле пикир алышууну абдан жакшы көрүшөт. Булар кандай жумуш болбосун иштеп кете алышат. Бирок ошентсе да медицина тармагын же инженердик кесипти аркаласа ийгиликке жете алышат.