Бишкекте өткөн жеңил атлетика боюнча өспүрүмдөр арасындагы эл аралык мелдеште Кыргыз спортчулары 17 медаль утуп алышты

29-30-сентябрь аралыгында Бишкек шаарындагы Дөлөн Өмүрзаков атындагы стадиондо жеңил атлетика боюнча Олимпиада чемпиону, дүйнөлүк рекорддун ээси Кульчунова Мария Пинигинанын элесине арналган 15 жашка чейинки спортчулар арасындагы эл аралык мелдеш өтүп жеңүүчүлөр аныкталды. Бул тууралуу SUPER.KG порталына жеңил атлетика федерациясынын башкы катчысы Иван Щербаков билдирди.

Аталган мелдеште Кыргыз, Казакстан, Өзбекстан, Тажикстан өлкөлөрүнөн спортчулар келип катышкан. Иш-чаранын алкагында кыска аралыкка жарыштар, алыстыкка секирүү, бийиктикке секирүү, найза ыргытуу жана ядро ыргытуу боюнча мелдештер орун алып, медалдардын ээлери аныкталды.

Кыргыз спортчулары бул мелдеште 17 медаль утуп алышты, анын ичинде 3 алтын, 4 күмүш жана 10 коло медаль болду.

Мелдештин жүрүшүндө кыргыз капчыгына 2 алтын медалды Карина Данилина жана 1 медалды Айнуска Калил кызы алып келди. Данилина 100 метр аралыктагы жарышта жана 100 метр аралыктагы тоскоолдуктар менен коштолгон жарышта биринчи келсе, Калил кызы 300 метр аралыктагы жарышта биринчи болуп келди.

Кыргыз капчыгына медаль алып келген спортчулардын тизмеси:

1-орун: Карина Данилина (100 метр аралыктагы жарыш);

1-орун: Карина Данилина (100 метр аралыктагы тоскоолдуктар менен коштолгон жарыш);

1-орун: Айнуска Калил кызы (800 метр аралыктагы жарыш);

2-орун: Артур Адамов (найза ыргытуу)

2-орун: Максим Щербаков (ядро ыргытуу)

2-орун: Карина Малаева (300 метр аралыктагы тоскоолдуктар менен коштолгон жарыш);

2-орун: Тилек Калыгулов (100 метр аралыктагы тоскоолдуктар менен коштолгон жарыш);

3-орун: Айжана Исманова (ядро ыргытуу);

3-орун: Артур Адамов (ядро ыргытуу);

3-орун: Шамиль Мусуралиев (100 метр аралыктагы тоскоолдуктар менен коштолгон жарыш);

3-орун: Ангелина Поцелуева (бийиктикке секирүү);