Грузияда полиэтилен баштыктарды колдонууга тыюу салынды

Грузияда 1-октябрдан тарта бир жолу колдонулуучу полиэтилен баштыктарын колдонууга тыюу салган мыйзам ишке кирди. Бул тууралуу чет элдик басылмалар жазып чыгышты.

Белгилүү болгондой, полиэтилен баштыктарын колдонууга тыюу салынып, муну менен кошо эле ар бир товар өндүрүп жаткан мекеме компаниянын атын сөзсүз түрдө баштыктардын сыртына жазууга милдеттендирилген.

"Өлкө ичинде калыңдыгы 0,0015 миллиметр болгон полиэтилен баштыктарын өндүрүп чыгарууга, импорттоого жана колдонууга тыюу салынат", - деп жазылат маалыматта.

Мындан сырткары полиэтилен баштыктарынын калыңдыгына карабай аны колдонууга толук тыюу салуу 2019-жылдын апрель айында күчүнө кирет. Аталган мыйзамды бузгандарга 200 доллар айып салынат жана товар конфискацияланат. Ал эми эрежени экинчи ирет бузса, 380 доллар айып салынат.