Кыргыз өлкөсүнүн футбол боюнча кыздар арасындагы жаштар курама командасы экинчи жолдоштук беттеште Тажикстан курамасы менен тең эсепте ойноду

Кыргыз өлкөсүнүн футбол боюнча кыздар арасындагы жаштар (U-19) курама командасы экинчи жолдоштук беттеште Тажикстан курамасы менен тең эсепте ойноду. Бул тууралуу Кыргыз Республикасынын футбол федерациясы билдирди.

Аталган беттеш Ош шаарындагы Асылбек Момунов атындагы футбол академиясынын талаасында орун алды. Беттештин жүрүшүндө футболчулар айырмаланганга үлгүрбөй, беттеш 0:0 эсеби менен аяктады.

Буга чейинки беттеште кыргыз футболчулары Тажикстанды 2:1 эсебинде утуп алган.

Айта кетсек, жолдоштук беттешти Кыргыз курама командасы жаштар (U-19) Азия чемпиондугунун тандап алуу этабына даярдануу максатында өткөрүүдө. 3-октябрда кыргыз футболчулары кайрадан Тажикстан курама командасы менен беттешип, 5-октябрда Өзбекстандын "Хожаабадка" клубу менен беттешет.

Кыздар арасындагы жаштар (U-19) Азия чемпиондугунун тандап алуу этабы Бишкек шаарында 20-28-октябрь аралыгында өтөт. Анда кыргыз футболчулары Өзбекстан, БАЭ, Гуама жана Мальдив аралдарынын курама командалары менен кез келишет.