Криштиану Роналдуга зордуктоо боюнча айып тагылып, тергөө иштери уланып жатат. Ал Португалия курамында Польша менен Италияга каршы беттештерге катышпайт

Португалия курама командасынын чабуулчусу Криштиану Роналду Улуттук Лига мелдешинин алкагында Польша, Италияга каршы беттешке жана Шотландияга каршы жолдоштук беттешке катышпайт. Бул тууралуу АКШлык басылма жазып чыкты.

Басылманын маалыматы боюнча, мындай чечим Криштиану Роналдуга тагылган зордуктоо айыбы боюнча тергөө иши уланганынан улам чыккан. Ал эми португалиялык басылмалардын жазганы боюнча Криштиану Роналду ноябрда өтүүчү Улуттук Лига мелдешинин алкагында Польша жана Италияга каршы беттештерге катышпайт.

Айта кетсек, 28-сентябрда германиялык басылмалардын биринде 34 жаштагы Кэтрин Майорги аттуу аялдын интервьюсу жарыяланган. Майоргинин айтымында, Криштиану Роналду аны 2009-жылы Лас-Вегас шаарындагы мейманканалардын биринде зордуктаган. Мындан улам, октябрь айында Лас-Вегас шаарынын полициясы Роналдунун үстүнөн иликтөө иштерин баштаган.