Аида Касымалиева: "Социалдык өнүктүрүү министринин АКШга сапары балдарды сатуу боюнча абдан чуулуу маселеге байланыштуу болгон" (документтер)

"Эмгек жана социалдык өнүктүрүү министри Таалайгүл Исакунованын АКШга сапары абдан чуулуу маселеге байланыштуу болгон", - деп бүгүн, 5-октябрда Жогорку Кеңештин депутаты Аида Касымалиева социалдык баракчасына жазып чыкты.

"Парламенттин комитетинде мен айткан маалыматтарды тастыктаган документтер Чек ара кызматынан жана башка мекемелерден келип жатат. АКШга жана Аргентинага премьер-министрдин уруксаты жок барган. Министр Таалайгүл Исакунова бул күндөргө эмгек өргүү алган", - деп жазды депутат.

"Бирок эң таң калычтуусу, ал АКШга сапары тууралуу премьер-министрге айткан жок жана сапардан кийин отчёт жазган эмес. А бирок бул сапар балдарды сатуу - багып алуу боюнча абдан чуулуу маселеге байланыштуу болгон", - дейт Касымалиева.

"АКШга болгон сапарынын жана Мамлекеттик департаменттин өкүлдөрү менен жолугушуулардын жүрүшүндө АКШнын эл аралык агенттиктеринин жаңы жол-жоболору боюнча аккредитациялоонун маселелери талкууланган. Бул агенттиктер эл аралык багып алуу менен алектенет. Башка кызматкер отчётто алар Эмгек жана социалдык өнүктүрүү министрлигинен аккредитацияны 6 айдан бери алган эмес" деп жазган", - дейт Касымалиева.