Супер-Инфо
super.kg видео
Ош шаарынын 3018 жылдыгы 15 миң адамдын коштоосунда белгиленди (фоторепортаж)
5-октябрда Ош шаарынын 3018 жылдыгы белгиленди. Майрамга арналган гала-концертке 15 миңге жакын адам күбө болгонун Ош шаардык мэриясынын басма сөз кызматы билдирди.
Майрамдык концерт Ош шаарынын борбордук стадионундо өттү. Ага аталган шаардын мэри Таалайбек Сарыбашов, Жогорку Кеңештин депутаттары, шаардык кеңештин төрагасы Жапарбек Ормонов, дипломатиялык корпустардын өкүлдөрү күбө болду.
Шаардын мэри жалпы элди Ош шаарынын 3018 жылдыгы менен куттуктап, шаардын экономикасы, инфраструктурасы өнүгүү жолуна түшүп, элибиз өзүнүн улуттук нарк-насилин, маданий мурастарын сактоо жана аны ар тараптан байытуу менен дүйнөлүк коомчулуктун көңүлүн буруп жаткандыгын баса белгилеген.
Концертте Өзбекстандын эстрада жылдызы Райхон, Кыргыз эстрада жылдыздары Мирбек Атабеков, Кайрат Примбердиев, Гүлнур Сатылганова, Асел Касымова, Сайкал Садыбакасова жана башка ырчылар шаар тургундарына жана меймандарына майрамдык маанай тартуулады. Ошондой эле “Мурас” тобу, фольклордук жана бий топтору өз өнөрлөрүн көрсөтүштү.
Айта кетсек, жыл сайын 5-октябрь күнү Ош шаарынын күнү белгиленип келет.
4
1 |