Өзгөчө кырдаалдар министрлигинин кырсыктардын тобокелдигин азайтууга арналган бир айлыгы аягына чыкты

Өзгөчө кырдаалдар министрлигинин кырсыктардын тобокелдигин азайтууга арналган бир айлыгы аягына чыкты. Бул тууралуу аталган мекеменин басма сөз кызматынан билдиришти.

Маалыматка караганда, 5-октябрь жыл сайын табигый кырсыктардын тобокелин азайтуу күнү деп жарыяланган.

"Кырсыктардын тобокелдигин азайтуу күнүнө карата бир айлык иш-чаралар республиканын бардык аймагында болуп өтүп, 5-октябрь күнү жыйынтыкталды. Бир айлыктын алкагында калктын коркунуч тууралуу кабардар болуусу жана өзгөчө кырдаалдар учурунда өзүн сактоо ыкмалары, билимдерин жогорулатуу боюнча комплекстүү иш-чаралар, күтүлбөгөн кырсыктардын алдын алуу, куткаруу ишин пропагандалоо максатында жаштардын арасында турмуш-тиричилик коопсуздугу боюнча мелдештер жергиликтүү өз алдынча башкаруу органдары менен бирге өткөрүлдү. Бишкек шаарында 5-октябрь күнү кырсыктардын тобокелдигин азайтуу күнүнө арналган илимий-практикалык конференцияда өткөрүлүп, анда кырсыктардын тобокелин кыскартуу тармагында жаңы ыкмалар каралып, талкуулар жүрдү", - деп айтылат маалыматта.

Ошондой эле өзгөчө кырдаалдар министри Нурболот Мирзахмедов кырсыктардын алдын алууда жана адам өмүрүн сактоодо көмөк көрсөткөн жарандарга сыйлыктарды тапшыры.