Хабиб Нурмагомедов UFC'нин жалпы рейтингинде 2-орунга көтөрүлдү

Мушкер Хабиб Нурмагомедов Конор Макгрегорду жеңип алган соң UFC уюмунун жалпы рейтингинде (Pound-for-Pound) 2-орунга көтөрүлдү.

Жеңил салмак чениндеги чемпиондук курдун ээси Хабиб Нурмагомедов рейтингде 6 тепкичке жогорулап 2-орунда жайгашты.

Бул рейтингдин сап башында оор жана жарым оор салмак чендеринин чемпиону Дэниел Кормье жайгашып жатса, 3-орунда Ти Жей Диллашоу ээлеп келе жатат.

Айта кетсек, буга чейин аталган рейтингдин 2-сабында ирландиялык мушкер Конор Макгрегор жайгашып келген. Эми ал 8-орунга түшүп калды.

UFC'нин жалпы рейтингинин алдыңкы 10 мушкери:

• 1-орун: Дэниел Кормье;
• 2-орун: Хабиб Нурмагомедов;
• 3-орун: Ти Джей Диллашоу;
• 4-орун: Макс Холлоуэй;
• 5-орун: Жорж Сен-Пьер;
• 6-орун: Тайрон Вудли;
• 7-орун: Деметриус Жонсон;
• 8-орун: Конор МакГрегор;
• 9-10-орун: Стипе Миочич;
• 9-10-орун: Генри Сехудо.