Абдывахап Нурбаев: "Облустарды, министрликтерди жойсо дагы мугалимдердин айлыгын көтөрүү керек"

"Облустарды, министрликтерди жойсо да мугалимдердин айлыгын көтөрүү керек" деп бүгүн, 11-октябрда Жогорку Кеңештин жалпы жыйынында депутат Абдывахап Нурбаев айтты.

Ал мугалимдердин айлыгы көтөрүлмөйүнчө өлкөдө өнүгүү болбой турганына токтолду.

"Өкмөт "аймактарга чыгып билим берүү тармагын жакшыртыш керек" деп кооз сүйлөп жатат. Бирок өлкөдө мугалимдердин айлыгы аз. Биз билим берүү тармагын жакшыртмайынча эч качан өнүгө албайбыз. Мен ойлойм, керек болсо облустарды, министрликтерди жойсо да мугалимдердин айлыгын көтөрүү керек. 8 миң, 10 миң сом алган мугалим кантип сапаттуу билим бере алат? Ошондой эле мугалимдер ипотекалык үй алып жатканда баштапкы 30 пайыздык баа көп экендигин айтып, ошону түшүрүп бергиле деп жатышат. Өкмөттөн ушул маселелерди чечүүгө аракет кылсын”, - деди Нурбаев.