Бишкекте жашыруун иштеген казино табылды

6-июль күнү УКМКнын Коррупцияга каршы күрөшүү кызматы жана Экономикалык кылмыштуулук менен күрөшүү боюнча мамлекеттик кызматы тарабынан Бишкек шаарынын Шопоков-Фрунзе көчөлөрүнүн кесилишинде “Паллада” аттуу казинонун жашыруун иштеп жаткандыгынын бети ачылды. Бул тууралуу УКМКнын басма сөз кызматы билдирди. Казинону текшерүү учурунда имаратта 9 оюн столу, 30 оюнчу бар экени катталган. Ошондой эле 300 доллар жана 6000 сом өлчөмүндөгү акча каражаты алынган. Аталган факты боюнча кылмыш иши козголуп, иликтөө иштери жүрүүдө.