Супер-Инфо
super.kg видео
ЭЛДИК КАБАР: "Торкен айыл өкмөтүнө караштуу Кара-Жыгач айылынын кире беришине орнотулган жазууну кошуна айылдын эли талкалап кетишти" дейт окурман
Жалал-Абад облусунун Токтогул районундагы Торкен айыл өкмөтүнө караштуу Кара-Жыгач айылынын кире беришине орнотулган жазууну кошуна айылдын эли талкалап кетишти. Бул тууралуу "ЭЛДИК КАБАРга" WhatsApp аркылуу байланышкан окурман билдирди.
"1989-жылкылар былтыр мектепти бүтүргөнүнө 10 жыл болгондугуна байланыштуу жакшы саамалык деп айылыбыздын кире беришине "Кара-Жыгач айылы" деген жазууну орнотуп беришкен. Аны көрүп аябай сүйүндүм эле. Быйыл болсо ал жазууну талкалап кетишкенин көрүп жүрөгүм ооруду. Көрсө, Торкен айылынын эли "биздин жерге орнотуп коюшту" деп бузуп кетишиптир. Түшүндүрүү жолу менен чечишсе болбойт беле!? Эми буга ким жооп берет? Айыл башчы, айыл өкмөтү, аким каякты карап отурат? Мамлекеттин мүлкүн талкалап, тоноого боло береби? Кимдер кылса да жазасын алып, кайра калыбына келтирүүгө тийиш. Негизи Кара-Жыгач айылы Торкен айыл өкмөтүнө карайт. Ушундай кайдыгерлик качан токтойт", - дейт окурман.
Урматтуу окурман, эгер сиз да ушул сыяктуу турмуштагы өзгөчө көрүнүшкө, коомдогу маданий, спорттук иш-чарага, жаратылыш кубулуштарына, жол кырсыгына, акция же митингдерге күбө болсоңуз, тезинен сүрөткө, видеого тартып, дүйнө жүзү менен бөлүшүңүз. Интернет ааламы, тагыраак айтканда, SUPER.KG жаңылыгыңызды заматта өлкөбүзгө, Жер жүзүндөгү мекендештерге жеткирет. Алар көрүп, окуп, сиздин кабарыңызга үн кошушат.
Сиз жаңылыкты кыскача баяндап Telegram же WhatsApp аркылуу +996 779 47-39-39 номерине жибериңиз. Ушул эле кызмат (приложение) аркылуу кабардын аудиосун, видеосун, сүрөтүн да жөнөтсөӊүз болот. Кабар саналуу мүнөттөрдүн ичинде порталыбыздын "Соңку кабар" бөлүмүнө чыгат.
-1
1 |