Айыл чарба министринин орун басары: "Кой-эчкилер 2019-жылдан тарта идентификациядан өткөрүлөт"

Кой-эчкилер 2019-жылдан тарта идентификациядан өткөрүлөт. Бул тууралуу бүгүн, 15-октябрда Жогорку Кеңештин тийиштүү комитетинин жыйынында айыл чарба, тамак-аш өнөр жайы мелиорация министринин орун басары Жаныбек Керималиев билдирди.

Депутат Асылбек Жээнбеков малдардын так санын эч ким билбей турганын айтты. “Малды каттоону жакшы өткөрүү керек. Ийри мүйүздүү мал, жылкылар идентификациядан өттү. Кой-эчкилер идентификациядан качан өткөрүлөт? Жайыттарды колдонуу боюнча пландар барбы?” - деп сурады депутат.

Министрдин орун басары малды идентификациядан өткөрүү Ветеринардык жана фитосанитардык коопсуздук инспекциясына тиешелүү экенин билдирди. “Кой-эчкилер 2019-жылдан тарта идентификациядан өткөрүлөт. Жайыттарды пайдалануу боюнча пландар бар”, - деди Керималиев.