Боорун алмаштырууга муктаж болуп жаткан Мээргүл Анарбек кызы операция жасатуу үчүн Индияга учуп кетти

Боорун алмаштырууга муктаж болуп жаткан Мээргүл Анарбек кызы операция жасатуу үчүн Индияга учуп кетти. Бул тууралуу кыздын апасы Шаангүл Таштанбекова SUPER.KG'ге 15-октябрда кабарлады. Таштанбекова кыска убакыттын аралыгында кызына моралдык жана материалдык жардам көрсөткөн жарандарга ыраазычылык билдирди.

"Кызымдын жардамга муктаж экени коомчулукка белгилүү болгон соң көптөгөн кайрымдуу адамдар бизге жардам колун сунушту. Ар кандай суммадагы акчаларды которушуп, абалыбызды сурап жатышты. Кайрымдуулук, коомдук фонддор да четте калбастан керектүү каражат чогултууга чоң көмөк көрсөтүштү. Аз убакыттын ичинде акча чогуларына ишенген эмесмин, бирок боорукер, кайрымдуу адамдар көп экен, минтип операция жасатууга камынып жатабыз. Материалдык, моралдык жана маалымат жактан жардам көрсөткөн бардык мекендештерибизге рахмат айтып, ыраазычылык билдирем", - дейт Таштанбекова.