Талас. Калмактар менен күрөшкөн Чокой баатыр жөнүндө китеп жарык көрдү

Талас облусундагы Талас районунун тургуну Кулназаров Кеңкол Саарбековичтин колунан айтылуу Бүргө баатырдын замандашы болуп, үзөнгүлөш жүрүп, жоо чаап, элин баккан эрлердин бири Чокой баатыр жөнүндө китеп жазылды. Улуттук илимдер академиясында жазылып калган маалыматтар боюнча, ал Талас өрөөнүндө 1770-жылы төрөлүп, калмактардын жортуулунун натыйжасында сүрүлгөн элди кайра топтогон, баскынчыларга каршы күрөшүп, өз мекенин душмандардан бошотууга салым кошкон.