Москвада 19 жаштагы Кыргыз жараны бычакталып каза болду

Орусиянын Москва шаарында 19 жаштагы Кыргыз жараны бычакталып каза болду. Кыргыз диаспорасынын өкүлү Улан Кошматовдун айтымында, каза болгон жаран Токтогул районунун 1999-жылы туулган Ж.А. аттуу тургуну.

Ал 14-октябрга караган түнү Кузьминки метросунда балдар менен уруша кетип, бычактан жаракат алган. Алган жаракатынан улам оор абалда дароо ооруканага жеткирилип, бирок саат 7:30да каза болуп калган.

"Ага бычак сайган адам полиция тарабынан кармалып, убактылуу кармоочу жайга камакка алынган жана факты боюнча кылмыш иши козголгон. Учурда мушташка катыштыгы бар балдар менен окуяга күбө болгондор көрсөтмө берип жатышат", - деди Кошматов.

Ал эми маркумдун сөөгүн Кыргыз жерине учак аркылуу жиберүү үчүн жакындары коомчулуктун жардамына муктаж болуп жатканын айтышууда. Эгерде жардам берүүнү кааласаңыз Улан Кошматовдун 4279380019172826 номурундагы банктык эсебине акча которсоңуз же +79653870612 телефон номуруна чалсаңыздар болот.