Мурутчан агайдын образы менен таанылган Нурсултан Курсанали уулу бойдокчулук менен коштошту

"Жарайт сити", "Эл эмне дейт?" долбоорлоруна тартылган актёр, сценарист, алып баруучу Нурсултан Курсанали уулу сүйүктүүсү Дианага баш кошту. Диананын кыз узатуу тою кечээ, 15-октябрда Казакстандын Талгар шаарында өттү. Той тууралуу Нурсултан Курсанали уулу SUPER.KG порталына буларды айтып берди.

"Диана - өзү ордолуу Оштун кызы. Бирок Казакстандын Талгар шаарында билим алып, ошол жакта чоңойгон. Ата-энеси ошол жакта жашайт. Мындан улам кыз узатуу тою дагы Талгар шаарындагы тойканалардын биринде өттү. Биз кыргыздын каада-салты менен кызды алып келдик, алар казактын салты менен узатышты. Эки жактын салтында бир аз айырмачылык бар экен. Алгач кыздын үйүндө бата той болду, андан кийин тойканага алып келишти. Кыз узатууга менин ата-энем, туугандарым жана "Жарайт сити", "Эл эмне дейт?" долбоорунун жигиттери барышты. Күйөө жолдоштук милдетти алып баруучу Белек Тургунов аркалады. Ал эми Диана экөөбүз продюсер Асхат Табалдиевди өкүл ата кылып шайладык. Бишкекке аман-эсен келип алдык. Буюрса, 17-октябрда үлпөт тоюбуз борбор калаадагы тойканалардын биринде өтөт", - дейт ал.

Эске салсак, Нурсултан Курсанали уулу сүйктүүсүнүн колун сурап, макулдугун алган.