Талас. Күрөш боюнча Талас шаарынын мектеп окуучулары арасында мелдеш уланууда

Бүгүн Талас шаардык жаш балдардын спорт мектебинде күрөш боюнча уландар арасында мелдеш уланууда. Грек-рим күрөшү боюнча таймаштарга 140, ал эми эркин күрөш боюнча 100 шаардык мектептердин балдары катышууда. Мелдешке демөөрчүлүк колдоону саясий партиялардын бири көрсөтүп, өспүрүмдөргө берилүүчү медаль, сыйлыктарды даярдоо жагын колго алышты. Мындан сырткары партия тарабынан уюштурулган тогуз коргоол, шахмат оюндарында да балдар өз күчтөрүн сынашты.