ЖЫЛНААМА, 17-ОКТЯБРЬ: Жогорку Кеңештин депутаты Максат Сабиров 51 жашка толду

Жогорку Кеңештин депутаты Максат Сабиров 1967-жылы 17-октябрда Ысык-Көл облусуна караштуу Ак-Суу районунун Маман айылында туулган.

Ал 1992-жылы Б.Бейшеналиева атындагы Кыргыз мамлекеттик искусство институтунун маданият агартуу факультетин, 1995-жылы Кыргыз мамлекеттик университетинин юридика факультетин, 2013-жылы Тышкы иштер министрлигинин Дипломатиялык академиясын бүтүргөн.

1986-1988-жылдары – Совет армиясынын катарында кызмат өтөгөн.

1992-1995-жылдары – №5-музыкалык балдар мектебинде директордун орун басары;

1995-1997-жылдары – "Юта" жеке фирмасында директордун коммерциялык иштер боюнча орун басары;

1997-2000-жылдары – жеке ишкер;

2000-2003-жылдары – "Асфальтобетон" ачык акционердик коомунда коммерциялык директор;

2003-2005-жылдары – "МАМ" ачык акционердик коомунун Ош филиалында материалдык-техникалык камсыздоо бөлүмүнүн башчысы;

2005-2008-жылдары – "МАМ" ачык акционердик коомунун материалдык-техникалык камсыздоо бөлүмүнүн башчысынын орун басары;

2008-2010-жылдары – Экономика министрлигине караштуу "Кыргызтуракжайкоммунсоюз" мамлекеттик ишканасынын сатып алуулар бөлүмүнүн башчысы;

2010-жылы - "Республика" партиясынан Жогорку Кеңештин депутаты;

2015-жылы "Республика-Ата Журт" партиясынын тизмеси боюнча Жогорку Кеңештин депутаты болуп шайланган.

17-октябрга карата жылнаама.