Дүйнөлүк Универсиада: Жалпы командалык эсепте Кыргызстан 1 орунга ылдыйлады

Татарстандын Казань шаарында өтүп жаткан Дүйнөлүк Универсиадада Кыргызстан 1 орунга ылдыйлап, 7-орунга түшүп калды. Кыргызстан азырынча буга чейинки ээ болгон 4 медаль менен чектелүүдө. Ал эми Орусиянын курама командасы 22 медаль менен (10 алтын, 3 күмүш, 9 коло медаль) алдыда келе жатат. Кийинки орунда 5 медаль менен (3 алтын, 1 күмүш, 1 коло) Германия турат. Түштүк Корея 4 медаль (3 алтын 1 коло) менен 3-орунду камсыз кылууда. Кийинки орунда 3 алтын медаль менен Литва келе жатат. Кытайдын курама командасы 8 медаль (2 алтын, 4 күмүш, 2 коло) менен 5-орунду ээлесе, 6 медаль менен (2 алтын, 1 күмүш, 3 коло) Япония 6-орунга түштү. Кыргызстан Япониядан кийинки орунда келе жатат.